Шест гласови.
Една порта.

Издавачката куќа „Арс Ламина" ја создава книжевната едиција „Порта Европа", преку која пречекува и вдомува во огништето на македонскиот јазик шест извонредни книжевни дела од европски автори, кои зачекоруваат во македонскиот книжевен контекст со својот најпретставителен патен документ — Европската награда за книжевност што ја доделува Европската унија.

Сите шест прозни дела во себе носат приказна од сопствениот културен контекст, а истовремено меѓусебно се допираат во интроспективните аспекти и отсликувањето на внатрешните борби на носечките ликови.